!!!! إلحقونىىىىىىى

اول ما بشوفه بتنطط من مكانى

بجرى بسرعة من ادامه

ويا إما تلاقينى فوق السرير

أو على الكرسى

او لزقت فى الحيطة

و قليل اوى لما تلاقينى على كتف اخويا ولا ابويا

وطبعا بصرخ

و بنادى على كل اللى حوليه

!!!! إلحقونىىىىىىىىىى

*

*

*

*

*

*

*

*

*

*

عنكبوووووووووت

بذمتكم لما بتشوفوا حشرة زى العنكبوت ولا الصرصار بتعملوا ايه ؟

انا بترعب بحس انى شوفت فيلم رعب

وانا بدوردلوقتى على عنكبوت لقيت صور كتيييييير اوى عنهم

مش عارفة مين اللى حطهم ؟ مين اللى قالبه طاوعه انه يعمل كده ؟

ويخض واحده زى غلبانة مرعوبة

والله وانا بجيب الصورة دى مكنتش قادرة ابصله

تخيلوا بقى حطاه عالمدونة بتاعتى كمان

وبقيت عاوزة أعيط لما شوفت الصورة دى

شكله بشع يا جماعة ولا انتوا ايه رايكم ؟

ولانى عاوزة اخد فيكم ثواب قولت اديكم معلومة عالسريع

انتوا تعرفوا ان بيت العنكبوت اسمه العُكدبة

وقال الدميري في حياة الحيوان الكبرى: العنبكوت: دويبة تنسج في الهواء وكنيته أبو خيثمة، وأبو قشعم، والأنثى أم قشعم وهي قصار الأرجل كبار العيون، للواحد ثمانية أرجل وست عيون.فإذا أراد صيد الذباب لطى بالأرض وسكن أطرافه وجمع نفسه ثم وثب على الذباب فلا يخطئه.

وقال: قال أفلاطون: أحرص الأشياء الذباب , وأقنع الأشياء العنكبوت فجعل الله رزق اقنع الأشياء في أحرص الأشياء فسبحان اللطيف الخبير.

وقال الجاحظ في كتاب الحيوان: ولد العنكبوت أعجب من الفروج الذي يخرج على الدنيا كاسباً كاسياً لأن ولد العنكبوت يقوي على النسيج ساعة يولد من غير تلقين ولا تعليم ويبيض وأول ما يولد دوداً صغيراً ثم يتغير ويصير عنكبوتاً وتكتمل صورته عند ثلاثة أيام.

ايه رايكم بقى فى المعلومات دى ؟

ايه ايه ؟ رايحين فين ؟

لسه فى تانى بس فى بوست جديد

وعليكم خير

يارب يعجبكم