وحشتونىىىىى

السلام عليكم يا مدونين .... " احم احم " .... " دستووووور "... " كحة تخينه شوية " .... وحشتونى كلكم ووحشتنى مدونتى .... أولا انا بعتذر على عدم كتابتى اى بوست فى هذه المدونة .... والأسباب ان الشغل أخدنى وبعدين بأخد كورس فمبقتش فاضية غير لكتابة بوستات فى مدونة اعمل لآخرتك .... اه نسيت كمان الجهاز كان بايظ شوية وبعفية يعنى جرب يصوم يوم تعب واكتأب فيه وباظ ومن ساعتها لا بيصوم ولا بيعمل ..... بفكر ارميه فى الزبالة بس مش هينفع وإلا مش هكتبلكم حاجة خاااااااااااااالص .... بس بجد وحشتونى وعاوزة اشوف ردودكم

وعلى فكرة انا بكتب البوست ده عشان اسلم عليكم واعرف منكم بتعملوا ايه فى رمضان شهر القرآن وكمان عاوزة اعرف وصلتوا لفين فى القرآن وإياك الاقى واحد كاتبلى انه بيتفرج على مسلسلالالالالالالالالالالات لحسن ازعل منه واستقصده واحطه فى دماغى ولن اعتقه ابداًًًًًًً ً ً ً ً ايوة لن اعتقه

وابدأ بنفسى الأول انا يا شباب .... الحمدلله بقوم من النوم البس وانزل الشغل الساعة 8.45 وبعدين اروح الشغل بعد صراع مع المواصلات والناس طبعا ... ثم اذا وصلت بدرى بقى اقرأ القرآن وبعدين اروح البيت برضو بعد صراع مع المواصلات والناس ... ثم اقرأ شوية قرأن يعنى على الاقل انهى جزء كامل وبعدين أنام بقى لحد المغرب ... بس بحاول اقوم قبل المغلاب بشوية قليلين عشان ادعى لان الساعة التى قبل المغرب هى ساعة استجابة وانا بحب ادعى فيها هى والفجر وقبل الفجر .... وبعدين افطر على تمرة ثم اشرب العصير ثم ادخل اصلى المغرب والسنة وبعدين اروح اهبر ما على الماااااااائدة بس على فكرة انا مش تخينه ده بيتهيألى .... وانا بأكل بتفرج على قناة الرسالة و أقرأ لان فيها برامج جميلة جداااااااا ... وبعد الاكل اعد احلى واستنى العشاء وانا برضو بتفرج على نفس القنوات ... وبعدين العشاء يؤذن اصلىيه والتراويح وبعدين برضو إما اتفرج برضو على التليفزيون أو اعد على الكمبيوتر أو انزل الكورس وارجع اكل تالت لو جعانه يعنى أو اقرأ جزء كمان .... وبعدين اناااااااااااااااام وهكذا يا شباب هذا هو يومى والآن أنا فى الجزء الرابع عشر والحمدلله وقربت اختمه .... يلا الله المستعان

مستنية حكاويكم ... سلام

اللهم تقبل منا رمضان

أنت عكس أنت

امتلأت حياتنا بالكثير من التناقضات ... وكلها تناقضات داخلية .... وتظهر فى تصرفاتنا وسلوكياتنا ... فمن المعروف فى الدين أن لبس البنطال بالنسبة للمرأة حرام خاصة الضيق .. وقد ظهر عدد من الشيوخ التى اباحت ارتداء البنطال الواسع الفضفاض ... مع ارتداء بلوزة طويلة عليه حتى لاتصف جسد المرأة .... والذى جعلنى افتح هذا الموضوع واتحدث فيه هو اننى عندما كنت ادخل مسجد الجامعة أو المسجد الخاص بالمعهد الذى ادرس فيه الان ... الاحظ ان الفتيات اللاتى يرتدين البنطال الضيق يدخلن المسجد للصلاة ويرتدين الاسدال الفضفاض ... فاندهشت لهذا التناقض العجيب الواضح جداااا ... فأنتى اختى الفاضلة تعلمين ان البنطال حرام وإلا لما ارتديتى هذا الاسدال عليه حين دخلتى للصلاة .... فكيف تعلمين بذلك ومع ذلك ترتدينه ؟ ..أليس هذا تناقضا يدعو للاندهاش؟ .... فأنتى تعلمين الخطأ واصبحتى ناضجة وواعية ومع كل هذا ترتكبين الخطأ بكل صراحة وعلانية أمام الناس ... فمن المتعارف عليه ان الذنب يخفى ..... ولكن ها نحن فى عصر التفاخر بذنوبنا والبجاحة العلانية ... وهذا ايضا يرجع للتربية .. فلو كانت الاهل تربى ابناءها على الدين السليم والصواب والخطأ لما كنا هكذا ... والمصيبة الكبيرة أن ترى سيدة كبيرة فى السن ترتدى الحجاب لمجرد تغطية الشعر فقط حتى انها لم تحكم ارتدائه فتظهر رقبتها وجزء من شعرها ... كما اننى رأيت انها ترتدى بلوزة شفااااااافة جدا لدرجة ان جسدها يظهر منه كيف هذا لا اعلم ... عن جد كدت ان اختل. وليس التناقض فى تصرفات البنات والسيدات فقط وانما نجد ايضا الشباب الذى يشرب السجارة وهى معروف انها حرام لانها تضر بالصحة ونسمع انها تسقى فى الخمرة وطالما انها مضرة بالصحة فهى حرام ... فما وجه الاستفادة منها ؟ اوجه سؤالى للشباب ... البعض يقول انه يخرج فيها غضبه او عندما يمل الجلوس وحده يشربها .... هل هذا ما تعلمناه عن النبى صلى الله عليه وسلم ؟ ... ان كلما ملأنا الهم شربنا الدخان ام ذكرنا الله تعالى ؟ ... وما يضايقنى بجد أن ترى الرجل يخرج بعد الصلاة فى المسجد ليشرب السيجارة ابعد الصلاة وطلب العفو من الله تعصيه ولم تمر عليك سوى لحظات قليله ؟ ... يالله عجبت لهؤلاء الاشخاص

اللهم ارحمنا برحمتك واهدينا واعفو عنا انك انت العفو الرؤوف