مش عارفــــــــــــــــه

كتير أوى ببقى مش عارفة
حاسة إنى تايهه ومش لاقية
حد يدلنى طريقى اللى مش عارفاه
بيخنقنى شعورى
لانى مش عارفة
أنا مين و عاوزة ايه
أنا فعلا مش عارفة
نفسى بجد حد يشدنى
من بحر مش عارفة
اللى عيشت فيه ولسه عايشه
ويكون قادر يخرجنى
من جوايــــــــا
قادر يكسر سلاسل مش عارفة
اللى ملفوفة حواليا ومش
قادره أفكها ولا أهدها
نفسى أطلع منها وأحس
إنى بقيت أنا
وأمشى على أرض ليها ملامح
تعرفنى أنا فين وراحة لفين
بجد نفسى الاقى اللى يشدنى
ويمد ايده وينقذنى
قبل ما يكبر جوايا "مش عارفة "
ويتحول ويبقى " خلاص مش عايزة "